ANEXO III: Lista de actividades e negocios obrigados ó peche temporal e á apertura nos concellos máis afectados polas medidas da Xunta

Os concellos a que se refire o número catro do punto segundo da da ORDE do 4 de novembro de 2020 pola que se establecen medidas de prevención específicas como consecuencia da evolución da situación epidemiolóxica derivada do COVID-19 na Comunidade Autónoma de Galicia, terán que atender ás seguintes cuestións.

ESTABLECEMENTOS QUE PECHAN:

Así, adóptase a medida de peche temporal, durante o período a que se estenda a eficacia da medida, das seguintes actividades, que se enumeran a continuación.

1. Espectáculos públicos:
   • Espectáculos taurinos.
   • Espectáculos circenses.
   • Espectáculos feirais e de exhibición.
   • Espectáculos pirotécnicos.
2. Actividades recreativas:
   • Actividades culturais e sociais.
   • Actividades de ocio e entretemento.
   • Atraccións recreativas.
   • Actividades de restauración.
   • Actividades zoolóxicas, botánicas e xeolóxicas.
3. Aqueles establecementos abertos ao público:
   • Establecementos de espectáculos públicos.
     • Circos.
     • Prazas de touros.
     • Recintos feirais.
   • Establecementos de actividades recreativas.
     • Establecementos de xogo.
     • Casinos.
     • Salas de bingo.
     • Salóns de xogo.
     • Tendas de apostas.
   • Establecementos para actividades deportivas.
     • Pistas de patinaxe.
     • Piscinas recreativas de uso colectivo.
     • Establecementos para atraccións e xogos recreativos.
     • Parques de atraccións e temáticos.
     • Parques acuáticos.
     • Salóns recreativos.
     • Parques multiocio.
   • Establecementos para actividades culturais e sociais.
     • Salas de concertos.
   • Establecementos de restauración.
     • Restaurantes.
     • Salóns de banquetes.
     • Cafetarías.
     • Bares.
   • Establecementos para actividades zoolóxicas, botánicas e xeolóxicas.
   • Establecementos de ocio e entretemento.
     • Salas de festas.
     • Discotecas.
     • Pubs.
     • Cafés-espectáculo.
     • Furanchos.
     • Centros de lecer infantil.

ESTABLECEMENTOS QUE CONTINÚAN ABERTOS:

Quedan, por tanto, exceptuados destas limitacións as seguintes actividades e establecementos, que poderán continuar abertos:

1. Espectáculos públicos:
   • Espectáculos cinematográficos.
   • Espectáculos teatrais e musicais.
   • Espectáculos deportivos.
2. Actividades recreativas:
   • Actividades deportivas.
3. Aqueles establecementos abertos ao público:
   1. Establecementos de ocio e entretenemento 
      • Cine.
      • Teatro.
      • Auditorios.
   2. Establecementos de espectáculos deportivos
      • Estadios deportivos.
      • Pabillóns deportivos.
      • Recintos deportivos.
      • Ximnasios.
      • Piscinas de competición.
   3. Establecementos culturais
      • Museos.
      • Bibliotecas.
      • Salas de conferencias.
      • Salas polivalentes.

Dito isto, os establecementos de restauración permanecerán pechados ao público e poderán prestar exclusivamente servizos de entrega a domicilio ou para a súa recollida no local e consumo a domicilio. A permanencia nestes establecementos deberá ser a estritamente necesaria. En todo caso, evitaranse aglomeracións e controlarase que consumidores e empregados manteñan a distancia de seguridade establecida co fin de evitar posibles contaxios.

Os establecementos de restauración de centros sanitarios ou de traballo que limiten a súa actividade aos traballadores deles ou, no caso dos centros sanitarios tamén a acompañantes de doentes, poderán manter o servizo de cafetaría, bar e restaurante. Non poderán superar o 50% da súa capacidade. O consumo dentro do local poderá realizarse unicamente sentado na mesa, ou agrupacións de mesas, e deberase asegurar o mantemento da debida distancia de seguridade interpersoal entre clientes. A ocupación máxima será de seis persoas por mesa ou agrupación de mesas e deberán ser todas elas conviventes.

A maiores, o artigo 2.2 da ORDE indica que se mantén en toda a Comunidade Autónoma o peche das actividades de festas, verbenas e outros eventos populares, así como das atraccións de feiras.